Петар Грашо и Хана Хуљиќ ќе станат родители? Пејачот се огласи за гласините
Набргу по веста дека хрватскиот пејач Петар Грашо (45) и Хана Хуљиќ (31) се во врска, почнаа озборувањата дека младата музичарка е бремена. Меѓутоа, Грашо ги негираше гласините за „Тпортал“ и првпат ја коментираше нивната романса.
– Првпат слушам за тоа. Како и за многу информации за кои се пишува деновиве, ниту оваа не е вистина – рекол Грашо смеејќи се.
Имено, вчера во некои хрватски медиуми се појавија информации дека Хана Хуљиќ е бремена, како и дека татко на детето е популарниот сплитски пејач.
– Особено затоа што Тончи Хуљиќ, мојот сегашен свекор, стана уште попримерен откако ја напиша „Миса“ и им забрани на децата ништо да не прават пред брак – се пошегувал Грашо.
View this post on Instagram
Петар и Хана во 2016 година ја снимија песната „Срце за водич“, за која музиката ја напиша токму таткото на Хана, Тончи, а текстот го потпишува нејзината мајка Вјекослава. Наводно, Тончи Хуљиќ првично се противел на таа соработка.
– Јас го форсирав тој дует, а тато Хуљиќ дури и малку се бунеше. Мило ми е што успеавме да го убедиме, иако изгледа малку строго – се пошегувал тогаш Грашо.
Сепак, Хуљиќ неодамна даде „благослов“ за врската помеѓу неговата ќерка и неговиот долгогодишен пријател Грашо.
– Го разбирам интересот на медиумите во врска со Хана и Петра, но никогаш јавно не се реферирав на приватниот живот и односите, како на моето семејство, така и на изведувачите со кои работам. Особено што Петар и Хана имаат слични ставови кон претставувањето на личниот живот во медиумите, а покрај тоа, Петар е и голем семеен пријател. Ако тие се среќни, а колку што можам да видам се, тогаш среќни сме и Вјекослава и јас – рекол Хуљиќ за „Вечерњи лист“.
View this post on Instagram