Пет причини зошто треба да јадете мандарина

Фото: Профимедиа

Почнува периодот на мандарините, а во продолжение прочитајте ги петте причини поради кои треба да го јадете ова овошје.

1. Мандарините се природен антисептик

Во зачувување на здравјето може да ви помогне есенцијалното масло од мандарини, кое се смета за природен антисептик затоа што го штити организмот од некои бактерии. Маслото од мандарини ги ублажува болните грчеви во дишниот систем и го опушта нервниот систем. Затоа се препорачува да се користи ако сте под стрес.

2. Помагаат при слабеењето

Мандарината се смета за нискокалорична и се препорачува редовно да ја консумираат оние што сакаат да ослабат. Го забрзува метаболизмот и помага за топење на масните перничиња во пределот на стомакот. Цитрусите имаат и низок гликемиски индекс, кој помага во рамнотежата на нивото на шеќери во крвта, па се препорачува и кај дијабетичари.

3. Го забрзува варењето

При консумирање мандарини не треба да се заборави на белата влакнеста коричка која го обвиткува плодот од внатрешната страна. Јадете ја, особено ако внесувате многу јаглехидрати и масти. Тој дел е полн со диетални влакна и ќе го забрза варењето на храната .

4. Го чува срцето

Мандарината е добар извор на калиум кој го снижува крвниот притисок, го враќа ритамот на срцето и го чува здравјето на кардиоваскуларниот систем. Хранливите материи во мандарините го спречуваат наталожувањето на лошиот холестерол на артериите, што може да доведе до срцев удар.

5. Помагаат при настинки и грип

Мандарината како и другите цитрусни овошја е одличен извор на витамин Ц, кој е важен за имунитетот и за борбата против сезонските болести. Ги ублажува симптомите и го забрзува оздравувањето. Во сто грама од ова овошје има 30 милиграми витамин Ц, што задоволува една третина од дневните потреби.

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот