Иако самата помисла да мора да зборувате за сексуалното незадоволство прави да се чувствувате непријатно, имајте на ум дека овие проблеми се решливи. Само треба да знаете како да ѝ пристапите на темата, пишува „Задовољна“.

Еве неколку совети за разговор со партнер, кој ќе вроди со плод.

1. Имајте разбирање за чувствата на партнерот и пред разговорот дајте му до знаење дека имате нешто важно да разговарате. На овој начин, вашиот партнер нема да се исплаши или да се изненади , а веројатно ќе му биде полесно да се отвори за време на разговорот.

2. Пред самиот разговор, визуелизирајте го разговорот што сакате да го имате, но земете предвид дека може да тргне во погрешна насока. Познавајќи го вашиот партнер, можете да предвидите како тој би можел да реагира, затоа бидете подготвени за секое сценарио.

3. Бидете искрени со партнерот, отворете ја душата и кажете му дека сте несреќни. Објаснете му дека сте подготвени да работите на проблемот и дека мислите дека ова е заеднички проблем, а не само негов. Дајте му до знаење дека сте негова поддршка и дека го сакате најдоброто за нас двајцата, особено за него. Коментирајте за вашиот сексуален живот, внимавајте како се изразувате за вашиот партнер да не се чувствува нападнат или разочаран.

4. За да не зборувате само вие, прашајте го дали има нешто да каже. Можеби има некој подлабок проблем што ни вие не можете да го решите, но разговорот со експерт – може. Нагласете му колку ви е мило што можете отворено да разговарате со него, бидејќи сте свесни дека доколку проблемот не се реши, тој ќе се појави и во други аспекти на врската.

5. Најдобро е, откако ќе се укаже на проблемот, да се посочи решението; разговор со експерт, предлагање заеднички активности кои ќе ве зближат или додатоци во исхраната кои се брза и ефикасна помош.