Песков: Нема основа за средба меѓу Путин и Зеленски

Дмитри Песков
Дмитри Песков / Фото: EPA-EFE/MAXIM SHEMETOV / POOL

Кремљ соопшти дека во моментов нема основа за средба меѓу рускиот и украинскиот претседател, пренесува Ројтерс.

Како одговор на прашањето за понудите на турскиот претседател Таип Ердоган да посредува во мировните преговори, портпаролот на Кремљ, Дмитриј Песков, на новинарите им рече дека Владимир Путин и Володимир Зеленски можат да се сретнат само откако преговарачите од двете страни ќе „ја завршат домашната задача“.

Преговорите меѓу Москва и Киев се во застој со месеци, при што секоја страна ја обвинува другата за недостаток на напредок.

„Украинската делегација излезе од радарот, сега нема преговарачки процес“, рече Песков.

„Што се однесува до средбата меѓу претседателите Путин и Зеленски, таа е можна само откако делегациите ќе ги завршат сите домашни задачи. Ова недостасува, така што нема неопходни предуслови за средбата“, додаде тој.

Видео на денот