Портпаролот на Кремљ, Дмитриј Песков денеска изјави дека Москва е заинтересирана да се утврди причината за состојбата на рускиот опозициски лидер Алексеј Навални, кој е сместен во болница во Берлин и е во индуцирана кома.

Песков истакна дека Русија не се согласува со обвинувањата дека наводно станува збор за труење, и додаде дека причините за здравствената состојба на Навални, кој беше сместен во болница во Сибир пред да пристигне во Берлин, допрва треба да бидат утврдени.

– Секако дека сме заинтересирани, не помалку од другите, да откриеме што ја предизвикало комата кај пациентот кој се лекува во болницата во Берлин, а што се однесува до различните чести и избрзани изјави дека постои голема веројатност за труење, ние сме трпеливи, но во оваа фаза остро не се согласуваме со таа теза, рече Песков на прес-конференција.