Економијата во Франција во вториот квартал од годината во време кога земјата полека ги укинува рестриктивните мерки , би можела да забележи пад и до 20 проценти во однос на првите три месеци од годината, се вели во проценките и статистиките на „INSEE“.

Во првиот квартал втората најголема економија во еврозоната забележа пад од 5,8 проценти во однос на претходните три месеци.

Во 2020 година на годишно ниво економијата на оваа земја би можела да забележи пад од осум проценти, при што ваквата прогноза се темели на малку веројатно сценарио за враќање на активностите на преткризниот период, пред месец јули.

По 11. мај, кога беа укинати рестриктивните мерки воведени кон средината на март, економската активност според проценките е за 21 отсто пониска од вообичаено. На почетокот на Мај била пониска за речиси една третина.

Личната потрошувачка бележи пад за шест проценти од вообичаеното во овој период од годината и покрајотворањето на вратите на трговскиот сектор за потрошувачи.