Пешак повреден кај Кадрифаково, сообраќајот во прекин
Сообраќајна несреќа се случи на магистралниот пат Штип – Велес кај селото Кадрифаково во која учествувале возило и пешак.
Портпаролот на СВР Штип, Гордана Панајотова, за МИА информира дека повредениот пешак во несреќата е хоспитализиран во штипската клиничка болница и лекарите го утврдуваат карактерот на повредите.
Несреќата се случила околу 20.30 часот. Ова се првични информации од терен, повеќе детали се очекуваат по увидот од страна на обвинител и екипа на полицијата.
АМСМ вечерва соопшти дека сообраќајот на магистралниот пат Штип – Велес кај Кадрифаково од 20.40 часот е во прекин во двата правца.
Почитуван читателу,
Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.ПОДДРЖЕТЕ ГО СЛОБОДЕН ПЕЧАТ. СО ПОЧЕТНА СУМА ОД 60 ДЕНАРИ
Видео на денот