Донацијата за нов дом за најбројното, дванесетчлено семејство Савиќ од селото Коретиште, во близина на Гнилане, Косово, се одржа вчера во организација на хуманитарните организации „Срби за Срби“ и „Спона“. На настанот помеѓу останатите присуствуваа и македонскиот кошаркарски ас и претседател на Кошаркарската федерација на Северна Македонија, Перо Антиќ, како и градоначалникот на општина центар, Саша Богдановиќ.

Во јуни годинава, Перо Антиќ присуствувал и на донаторската вечера во Белград, кога се собирале средства за изградба на куќата на загрозеното семејство Савиќ. Антиќ бил воодушевен од реализацијата на проектот, а воедно и прв пат престојувал на Косово. Во донаторската акција финансиска помош овозможил и Саша Богдановиќ, кој првпат донираше на Косово во 2017 година за хуманитарната акција „Подари радост“.

Домаќинот, педесетгодишниот Предраг Савиќ, татко на осум деца, не можел да ги сокрие задоволството и среќата за новиот дом, кој ќе им обезбеди достоинствен живот. Семејството опстојува со приходи од една минимална плата, а до вчера живееле во урнатина.

Перо Антиќ сподели фотографии од посетата на својот инста-профил и порача „Ова е прекрасна инспирација да се направи истото и во нашата прекрасна Македонија“.

View this post on Instagram

It was a great pleasure to go with @sashabogdanovikj and help this beautiful family as much as we can!!Let’s help to the people that need help!! Join the movement #srbizasrbe and keep on doing great things @keselj11 and all the organization!!! Also it’s great inspiration for us to do the same in our beautiful country ????????

A post shared by Antic Pero Official Instagram (@cickostoilko) on Nov 19, 2019 at 10:45am PST