Перишиќ не отпатува со Интер, оди на позајмица! – Слободен печат
СпортФудбал

Перишиќ не отпатува со Интер, оди на позајмица!

Според италијанските медиуми, хрватскиот интернационалец Иван Перишиќ е блиску да замине на позајмица во Баерн Минхен од редовите на Интер.

Се очекува Перишиќ да се пресели во германскиот шампион за пет милиони евра со можност на крајот од сезоната да биде откупен за 20 милиони евра.

Ова лето Баерн го бркаше членот на Манчестер сити, Лерој Сане, но неговата сериозна повреда ги промени плановите и следуваше брза реакција.

Перишиќ и претходно настапувал во Бундес лигата, поточно Борусија Дортмунд (42 натпревари, девет голови) и Волфсбург (70 мечеви, 18 погодоци).

Хрватот не се најде во составот на „неро-аѕурите“ за пријателскиот меч против Валенсија, а истиот ќе го пропушти и Жоао Марио.

За Жоао Марио се шпекулира дека има интерес од Монако, додека претходно се поврзуваше со трансфер Вулверхемптон и Брајтон, но нивните обиди беа неуспешни.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close