Перез до навивачите: Следната година Мбапе е наш
Претседателот на Реал Мадрид, Флорентино Перез им соопшти на група навивачи дека очекува Килијан Мбапе да дојде во клубот по крајот на сезоната.
На социјалните мрежи е објавено видео во кое се гледа како автомобилот на газдата застана и неколку фанови на „кралскиот“ клуб се собраа околу него и почнаа да разговараат со него.
За време на разговорот, еден од нив извика: „Претседателе, потпишете со Мбапе!“ Перез одговори: „Следната година“.
Ова видео беше објавено после завршувањето на натпреварот од шпанската „Ла Лига“ против Виљареал (0:0) во саботата навечер на „Бернабеу“.
Французинот Мбапе сакаше да се пресели во Реал во август, но ПСЖ не го пушти, и покрај тоа што доби понуда од над 200 милиони евра. Неговиот договор истекува на 30 јуни 2022 година и се очекува напаѓачот да го напушти Париз како слободен играч.
JUST IN: A fan approached Florentino Pérez’s car when he was leaving the Bernabéu tonight. Florentino told him that Mbappè will be a Real Madrid player next year. @SQuirante #Transfers 🚨🚨pic.twitter.com/fhTw4mCddf
— Los Blancos Live (@LosBlancos_Live) September 25, 2021