Перез отворено рече дека ќе се обиде да го ангажира фудбалерот на Челзи, Еден Азар кој веќе долг период се поврзува со „кралевите“.

– Не сум разговарал со тренерот Зидан околу Мбапе или Нејмар, ниту со било кој друг. Не сме разговарале и нема да го направиме тоа. И минатата година не ги сакавме и така ќе остане. Ако сакаме играч, ќе зборуваме со клубот – рече Перез.

Азар би можел да вреди 130 милиони евра колку што бара Челзи, а тој според информациите е голема желба на Зидан.

Real Madrid president Florentino Perez admits ambition to sign Eden Hazard from Chelsea https://t.co/eEwoOzuomZ pic.twitter.com/gXeuXSvPur

— ⚽️SPORTS 4 ALL (@fbbpp) May 28, 2019

После заминувањето на најголемата ѕвезда Кристијано Роналдо, често до сега се шпекулираше дека токму белгискиот интернационалец би бил идеална замена за Португалецот.

– Како да зборуваме со клуб кој игра во финалето на Лига Европа? Со години се обидуваме да го купиме Азар, но се уште не сме успеале во таквата намера. Би сакал да дојде и се надевам на тоа. Тој е еден од најдобрите на светот – додаде претседателот на Реал.