Менаџерот на Манчестер сити, Пеп Гвардиола на медиумите во Англија им откри дека меѓу првите пораки кои ги доби по освојувањето на титулата во Премиер лигата, се од неговите колеги од Ливерпул и Евертон, Јирген Клоп и Карло Анчелоти.
– Многу сум им благодарен на тие пораки. Сè уште не сум им одговорил, но и тоа ќе го направам. Им благодарам и им се восхитувам. Јирген ми беше инспирација, направи тимови со Дортмунд и Ливерпул кои ме натераа многу да размислувам. Би сакам да му се заблагодарам и на него и на Карло – изјави Гвардиола.

Манчестер сити титулата ја освои на три кола до крајот иако во последниот натпревар загуби од Челси, но поразот на градскиот ривал Манчестер јунајтед од Лестер му ја донесе третата титула во последните четири години на Гвардиола.