Пензионерите и семејствата корисници на социјална помош ќе добијат субвенции за струја
Министерството за финансии на Косово им соопшти на граѓаните дека ќе субвенционира струја за семејствата корисници на социјална помош и пензионерите, јавува Индекс Онлајн.
Тие во својата објава на Фејсбук наведуваат дека категориите кои ќе ја користат оваа субвенција се семејствата кои се влезени во базата за социјална помош, семејствата на загинатите борци од ОВК, семејствата на цивилните жртви, семејствата на исчезнатите, воените инвалиди, слепите, параплегичарите и тетраплегичарите.
„Субвенционирањето на електрична енергија, според важечките закони, ќе се врши за 2021 година и за онолку месеци колку што корисникот користел соодветна помош/пензија“, се вели во соопштението на МФ на Косово.
Од Министерството за финансии на Косово велат дека ови категории граѓани нема потреба да аплицираат за субвенциите за струја туку дека исплатата ќе биде автоматска.