Пенс од Ерусалим порача дека светот мора да се спротивстави на антисемитизмот и на Иран
Мораме да бидеме подготвени да се соочиме и да го разоткриеме тој ужасен бран на антисемитизам, кој поттикнува омраза и насилства ширум светот – истакна Пенс пред светските лидери на Форумот за холокаустот.
Американскиот потпретседател Мајк Пенс изјави денеска дека светот мора силно да се спротивстави на „грозната плима на антисемитизам“ кој се шири низ светот, оценувајќи дека предводник на таа политика е Иран.
– Мораме да бидеме подготвени да се соочиме и да го разоткриеме тој ужасен бран на антисемитизам, кој поттикнува омраза и насилства ширум светот – истакна Пенс пред светските лидери на Форумот за холокаустот.
Додаде дека светот исто така мора да ѝ се спротистави и на државата која е предводник на антисемитизмот.
– Во истиот тој дух, мораме силно да се спротивставиме на државата која е предводник во ширењето на антисемитизмот, на единствената влада во светот на која негирањето на Холокаустот и е државна политика и која се заканува дека ќе го избрише Израел од мапата.
„Светот мора силно да застане против Исламска Република Иран“ потенцираше Пенс.