Пендаровски во Чешиново-Обелешево: Отпочнување на преговори со ЕУ значи 900 милиони евра годишно за развој
Заедничкиот кандидат за претседател Стево Пендаровски денеска беше во посета на општина Чешиново-Облешево каде со граѓаните разговараше на повеќе актуелни теми.
Пред присутните, Пендаровски повика да се искористи позитивниот момент и да продолжи интеграцијата кон ЕУ и НАТО, затоа што тоа значи подобра иднина за сите.
– Со отпочнувањето на преговорите со ЕУ, пред нашата држава се отвора можност да користиме околу 900 милиони евра годишно за развој од фондовите на ЕУ. Од нив голем дел се наменети за земјоделството, гранка која е особено важна за овој дел од државата. Затоа, да го искористиме моментот, да продолжиме напред кон интеграција во ЕУ и НАТО, да продолжиме кон развој и напредок. За да имаме подобар живот, за младите да останат тука, повика Пендаровски.