Пендаровски треба да се сретне со Макрон на маргините на мировниот форум во Париз – Слободен печат
ВестиМакедонија

Пендаровски треба да се сретне со Макрон на маргините на мировниот форум во Париз

Билатералната средба со Макрон доаѓа неколку недели по француското вето за преговори со Северна Македонија и барањето на Франција да се замрзне проширувањето додека не се реформира Европската Унија внатрешно.

Претседателот Стево Пендаровски, кој е во дводневна посета на Париз, вчера учествуваше на вечера за шефови и држави на влади организирана од францускиот претседател во пресрет на Парискиот мировен форум кој се одржува денеска и утре.

Денеска претседателот ќе учествува на мировниот форумот каде ќе има обраќање пред учесниците и на кој ќе се осврне на регионалната безбедност, најавуваат од неговиот кабинет.

На маргините на Парискиот форум, Пендаровски би требало да оствари и билатерална средба со Емануел Макрон, како и со австриската канцеларка Бригит Биерлејн, генералниот секретар на Обединетите Нации, Антонио Гутереш и со рускиот министер за надворешни работи, Сергеј Лавров.

Парискиот мировен форумот има за цел да отвори дебата за големите глобални безбедносни предизвици со експерти, професори, претставници на граѓанското општество и на меѓународните организации, министри и шефови на држави и влади.

Емануел Макрон ќе го отвори Форумот утрово, заедно со избраната претседателка на Европската Комисија, Урсула фон дер Лејн, претседателот на Демократска република Конго, Феликс Чисекеди и потпретседателот на Кина, Ванг Чишан.

Учесници се и српскиот претседател, Александар Вучиќ, германскиот министер за надворешни, Хајко Мас, шефот на руската дипломатија, Сергеј Лавров, но и Александар Сорос, синот на Џорџ Сорос.

Билатералната средба со Макрон доаѓа неколку недели по француското вето за преговори со Северна Македонија и барањето на Франција да се замрзне проширувањето додека не се реформира Европската Унија внатрешно.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close