Претседателот Стево Пендаровски на годишното обраќање во македонското Собрание за Договорот за добрососедство со Бугарија и за Преспанскиот договор рече дека се направени тешки компромси, но дека без нив ќе беше потешко затоа што ќе имавме нејасна визија за државата на долг рок.

– Со двата договори не го компромитиравме идентитетот. Нивната имплементација не зависи само од едната страна, туку од двете страни. Во спроведувањето на Договорот со Бугарија има забавување на работата. Ние сме апсолутно подготвени да се соочиме со историските контроверзии, но никогаш не сме било доведено во прашање правото да се идентификуваме како Македонци кои зборуваат македонски јазик, и дека тоа право ќе биде дел од било каква дебата – рече Пендаровски.