Пендаровски: Сите треба да работиме за зачувување на Охрид како град на УНЕСКО

Во таа насока претседателот Пендаровски ги охрабрил двете страни да соработуваат поинтензивно, бидејќи нивен заеднички интерес е заштита на културно богатство на Охрид и на Охридскиот регион.

Претседателот Стево Пендаровски, ја прими Искра Стојковска, основач и програмски координатор за зачувување на Охридскиот регион од еколошкото здружение на граѓани Фронт 21/42.

Пендаровски на средбата бил информиран за мисијата и досегашните активности на здружението во насока на зачувување на исклучителните универзални вредности на Охридскиот регион, односно  спроведувањето на еколошката легислатива и унапредувањето на еколошката демократија, соопштија од Кабинетот на Пендаровски.

Тој оценил дека односот кон животната средина во Северна Македонија веќе со децении бележи негативен тренд, нагласувајќи дека тоа е прашање што во никој случај не смее да им се препушти на идните генерации, туку да се дејствува веднаш, со одлучни и конкретни мерки.

Во таа насока претседателот Пендаровски ги охрабрил двете страни да соработуваат поинтензивно, бидејќи нивен заеднички интерес е заштита на културно богатство на Охрид и на Охридскиот регион.

Истовремено, тој го реафирмирал својот став дека сите треба да работиме за зачувување на Охрид како град на УНЕСКО. Тоа, како што нагласил претседателот Пендаровски, е предизвик што наложува континуиран, системски и бескомпромисен ангажман во кој не смее да има никакви калкулации.

На средбата присуствувал и претставник на Владата на Република Северна Македонија.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот