Пендаровски: Сите етнички заедници го поддржуваат членството во НАТО

Во Република Северна Македонија постои фактор плус зошто е добро нашата земја да стане членка на НАТО, а го нема кај сите други нови земји членки. Сите етнички заедници го поддржуваат членството во НАТО, а тоа го покажуваат и најновите анкети кои ја мерат поддршката за наше членство, кое е над 70 проценти. Ако ги развиете по етнички заедници, анкетите покажуваат дека огромно мнозинство од сите етнички заедници поддржуваат членство во Алијансата што, преведено, значи дека НАТО е фактор на стабилност и ја засилува внатрешната кохезија.

Ова денеска го истакна претседателот Стево Пендаровски пред студентите на ФОН Универзитетот на дебатата на тема „Безбедна младина, посигурна иднина” во рамките на НАТО-карванот како дел од активностите на проектот Инфоцентар за евроатлантски интеграции.

Претседателот ги потсети студентите на трите мисии на НАТО во нашата земја, односно на собирањето на нелегалното оружје кај нашите граѓани во 2001 година, како и втората и третата кои се надоврзаа на првата за реинтеграцијата на кризните региони. Со тие три мисии во 2001 и 2002 година, рече Пендаровски, НАТО ни помогна да се вратиме во нормала и сите анализи покажуваат дека кандидатскиот статус на ЕУ се должи на тоа што НАТО ни помогна да се рехабилитираме многу брзо, вклучувајќи ги инашите војници кои учествуваа во одредени мисии. Преседателот информираше дека Алијансата ни помага во одржување на безбедноста на земјата со споделувањето на одредени информации.

Прочитајте и...  Заглавени - Само продолжување на пасошите ги спасува Македонците на Малта

– Од ланската покана да станеме членка, до сега приливот на информации на дневно ниво од сите 29 сојузници се движи од 800 до 1.200 дневно, тоа се безабедносни информации кои ги имаат членките кои ги споделуваат со нас. Алијансата конкретно ни помагаше, не како организација, туку на билатерлана основа, кога бевме подложени на најфрекфентната политичка пропаганда содржана во т.н. лажни вести кои се обидуваа да ги одвратат нашите луѓе да гласаат на референдумот за да се приклучиме кон Алијансата, односно да го прифатиме Преспанскиот договор. Ако ја немавме таа поддршка многу полошо ќе поминевма во справување со тие лажни вести, бидејќи објективно ние немаме ресурси да се спротиставиме поадекватно, како што тоа го направивме со помошта од неколку битни земји членки на НАТО, рече Пендаровски.

Прочитајте и...  Матоши: Не се укинуваат тестовите за македонските граѓани при влез во Косово

Претседателот посочи и на одредени алтернативи, но нагласи дека тие не се добри за нас. Тој го спомна примерот со Србија која 11 години има декларирано  воена неутралност и не бара членство во никакви воени сојузи.

– За држава со нашиот капацитет за таква декларација би требало, освен внатрешното усогласување, да имаме согласност од сите соседи за нашата неутралност и клучните меѓународни фактори да се согласат со тоа. Таква согласност нема, ниту ни било нудено, рече Пендаровски.

Амбасадорката на Велика Британија во нашата земја Рејчел Галовеј  на студентите, покрај безбедносните придобивки, им ги посочи и можностите за граѓаните на државата, а посебно за студентите.

– Постојат многу стипендии кои што ги нуди Североатлантската организација.  Имаме програма на НАТО за наука за мир и безбедност што нуди финансирање за повеќегодишно истражување и развој на проекти поврзани со безбедноста на стратешките цели на НАТО, истакна Галовеј.

Прочитајте и...  Бројот на новозаболени од Ковид-19 дневно се уште трицифрен

Студентите на ФОН имаа можност со претседателот Пендаровски и амбасадорката Галовеј да дебатираат за придобивките од евроатлантските интеграции и зачленувањето на државата во НАТО, како и да дознаат повеќе за процесот и важноста од евроатлантските интеграции и улогата која Алијансата ја има во одржувањето на мирот и безбедноста на Балканот и пошироко.

Прочитај повеќе

Руски јутјубер уапсен за оддавање на државни тајни, ќе остане во притвор до октомври

Слободен печат

Потресни сведочења од притворените на протестите во Минск: Не соблекуваа голи, не тепаа и не мачеа, жените врескаа (ВИДЕО+ФОТО)

Слободен печат

Глетка која го запира здивот: Над 300 делфини забележани во Калифорнија

Слободен печат

Иран ја осуди популарната двојка на 16 години затвор и камшикување поради објави на Инстаграм

Слободен печат

Груби: Сè уште не е постигнат договор помеѓу СДСМ и ДУИ, албанската опозиција шири лажни вести

Слободен печат

Германија ќе ја прогласи Шпанија за ризично подрачје поради коронавирусот

Слободен печат

Остави Коментар

Прочитај повеќе

Матоши: Не се укинуваат тестовите за македонските граѓани при влез во Косово

Миа Агенција

Пандемијата го крена рејтингот на Болсонаро

Слободен печат

Наумовска: Очекуваме дека рокот за отпочнување на учебната година ќе биде пролонгиран

Слободен печат

Шасивари: Доделувањето на мандатот е нов политички преседан, Пендаровски доби функција која ја има само Макрон

Слободен печат

Протест во Скопје против поскапувањето на струјата: Не смееме да го дозволиме овој удар на нашиот грб!

Слободен печат

Радев: Ако има оставки и предвремени избори може да се зборува за промена на Уставот на Бугарија и иднината

Слободен печат