Претседателот на државата Стево Пендаровски денеска изјави дека се надева оти изборниот ден ќе помине во позитивна атмосфера. Тој посочи дека секоја сериозна држава мора да остане мобилна до крајот на изборниот процес.

-Според досегашните информации, еве веќе половина од изборниот ден во првиот круг се одвива во генерално позитивна атмосфера. Јас се надевам дека до крајот на изборниот ден ќе остане така, и се разбира по 19 часот, во период кога треба да ги пребројуваме и објавуваме резултатите од локалните избори. Сепак, секоја сериозна држава мора да остане мобилна до крајот на изборниот процес, изјави претседателот, откако денеска со сопругата и синот гласаше во населбата Автокоманда.

Пендаровски очекува и на 31 октомври, за време на вториот круг, како што рече, да го задржиме интегритетот и кредибилитетот на избирачкиот процес.

Извор: МИА