Пендаровски сакал да ги спои Ковачевски и Мицкоски и заедно да гледаат фудбал, ама не успеал

Стево Пендаровски во утрински брифинг / Фото: ,,Слободен печат'' - Драган Митрески

Средбата меѓу премиерот Димитар Ковачевски и лидерот на ВМРО-ДПМНЕ, Христијан Мицкоски, не се одржува затоа што Мицкоски ја услови со договарање предвремени избори, што е неприфатливо, затоа што на прва средба за запознавање на лидерите не се поставуваат услови, изјави шефот на државата Стево Пендаровски за Канал 5, нагласувајќи дека тоа се информации што ги добил од премиерот.

Тој оцени дека јазот меѓу власта и опозицијата е толку длабок, што нему не му успеало ниту да ги собере на неформално дружење, заедно да го следат фудбалскиот натпревар Македонија-Португалија.

– Од опозицијата ми одговорија дека веќе имаат договорено гледање фудбал на друга локација. Ако не можете да договорите заедничко гледање фудбал, како тогаш ќе договорите средба за решавање на политички прашања, рече Пендаровски.

Видео на денот