Пендаровски: „Рекет“ не ги промени ставовите на земјите-членки на ЕУ, но да не оставаме простор за сомнеж
Нема промена вo ставовите на ниту една земја членка во насока на ревидирање на веќе искажаниот став за нашето членство во ЕУ, поради аферата „Рекет“, рече претседателот на државата Стево Пендаровски, но сепак потенцираше дека не треба да се остава простор за сомневање. Тој на денешната прес коференција сподели информација дека изутринава контактирал со негови пријатели во Брисел од каде добил информација.
– И помали афери од оваа може да бидат повод некои земји членки да кажат дека не ни требаат овие од Западен Балкан, затоа не треба да им даваме оправдувања. Не смееме да оставиме ни најмал сомнеж дека не сме способни да расчистиме ваков случај – рече Пендаровски.
Во однос на промената на изборниот модел, тој објасни дека поддржува промена на изборниот модел кој ќе овозможи во парламентот да има повеќе политички партии.
– На тој начин, на долг рок, земјава ќе биде подемократска, ако повеќе граѓани имаат свои преставници во Собранието – рече Пендаровски.