Пендаровски: Не го дискредитирам Обвинителството
Претседателот на државата Стево Пендаровски реагира на соопштението на Јавното обвинителство, кое неговото вчерашно обраќање го доживеа како притисок и мешање во нивната работа.
„Претседателот во своето обраќање по ниту еден основ нема направено дискредитација на Јавното обвинителство, ниту пак постои намера за напаѓање на надлежните институции и мешање во кривичните постапки коишто се во тек. Потенцираме дека Претседателот Пендаровски во своето обраќање изрази целосна поддршка за надлежните институции, а особено на обвинителството и судот и истакна дека ќе стори се, за да ги заштити од евентуалните притисоци при спроведување на истрагата и целосно расветлување на случајот „Рекет“, се вели во соопштенитето на претседателот.
Од неговиот кабинетот уште еднаш укажува на тоа дека е потребно ефективно, брзо и темелно завршување на истрагата за случајот „Рекет“ почитувајќи го начелото на презумпција на невиност.