Пендаровски-Касами: Сите да дадат придонес во исполнувањето на референдумската агенда, која е во интерес на граѓаните
Денеска се одржа средбата помеѓу лидерот на Движењето Беса, Билал Касами и претседателот Стево Пендаровски, на која се дискутирало за неколку точки.
Сите политички субјекти, и од власта, и од опозицијата, да го насочат своето делување во интерес на остварувањето на стратешките цели на Република Северна Македонија, членството во Европската Унија и во НАТО, како важен предуслов за стабилна, просперитетна и развиена држава.
Ова било истакнато денеска на средбата меѓу претседателот на Република Северна Македонија, Стево Пендаровски, и лидерот на политичката партија Движење Беса, Билал Касами.
– Сите релевантни политички субјекти во Република Северна Македонија во периодот што претстои треба да демонстрираат одговорност и да го дадат својот придонес во исполнувањето на реформската агенда, која е во интерес на граѓаните – истакна претседателот Пендаровски на средбата.
Претседателот на Движењето Беса, Касами, како што соопшти Кабинетот на Пендаровски, упати честитки до претседателот по повод стапувањето на функцијата и му посака успех во работата.
