Пендаровски: Јанева ја прокоцка шансата дружејќи се со „пробисвети и претпоставени криминалци”

Претседателот Стево Пендаровски смета дека од случајот „Рекет” во кој е осомничена и специјалната јавна обвинителка Катица Јанева треба да се извлечат  поуки и со процесот да направи обид да се извлече сега „полумртвата правна држава”.

Тој не може да разбере како личност на која и била дадена најодговорната функција во историјата на земјата, каква што немал ниту еден, но и најголема и наширока граѓанска и народна поддршка, како што рече,  ја прокоцкала во дружење со „пробисвети и претпоставени криминалци”.

-Не станува збор дека финансискиот надоместок бил тенок или слаб, напротив во СЈО имаа третман на бубрези во лој, не само по повод додатоците, туку основните плати што ги имале. Затоа големо прашање ќе биде овој случај ќе треба да се бавиме со такви анализи или генерациите кои доаѓаат по нас ако не извлечеме поука од ова и брзо не се вратиме на колосек и не ја извлечеме сега полумртвата правна држава. Заради овој удар зададен со СЈО, ако не го направиме тоа некоја подоцнежна анализа ќе покаже дека правната држава во Македонија можеби ја изгубила својата шанса по 2016 година по тоа големо граѓанско нарадно будење и давање таков ветер во грб на таа институција и се покажа неуспешна- рече Пендаровски во интервју за Телевизија 24 вести.

Имаше, рече тој, и поголеми риби кои крадеа многу повеќе и десетпати поголеми криминалци, но, како што потенцира, тоа не значи дека заради тоа сега осомничените во овој случај треба да останат неказнети.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот