Пендаровски ги прими акредитивните писма на новоименуваниот амбасадор на Република Финска

Претседателот на Република Северна Македонија Стево Пендаровски, денеска ги прими акредитивните писма на новоименуваниот амбасадор на Република Финска во нашата земја Кимо Лахдевирта.

На церемонијата за примопредавање на акредитинвите писма Лахдевирта порача дека Финска го поддржува отпочнувањето на преговорите за членство со Република Северна Македонија и изрази верување дека Советот на министри на ЕУ ќе донесе позитивна одлука за ова не подоцна од октомври.

Пендаровски, како што информираат од неговиот кабинет, на церемонијата истакнал дека меѓу двете земји се уште постои неискористен потенцијал и простор за дополнително продлабочување на соработката и меѓусебна комуникација, изразувајќи уверување дека ангажманот на Лахдевирта ќе остави траен белег во надградбата на пријателските односи и соработката меѓу нашите земји.

Прочитајте и...  Бајден обезбеди демократска номинација за борба против Трамп

– Високо го цениме Вашето богато дипломатско искуство и сметаме дека ќе претставува значаен придонес во збогатувањето на нашите пријателски односи. Ве уверувам дека во вршењето на Вашите дипломатски должности ќе ја уживате нашата целосна соработка и помош, порача Пендаровски.

Поддршката од Република Финска за интеграција на земјите од регионот во европските структури секогаш била од голема важност, оцени Пендаровски, изразувајќи надеж дека напредокот на нашата земја, кој е отсликан во Извештајот на Европската Комисија, ќе биде вреднуван и зацврстен со позитивна одлука за време на финското претседавање со Советот на Европската Унија.

– Република Северна Македонија ги негува истите европски вредности како и Република Финска. Сигурен сум дека европската определба и во иднина ќе претставува силен мост на поврзување во односите меѓу Република Северна Македонија и Република Финска, порача Пендаровски.

Прочитајте и...  Болсонаро по стапките на Трамп: Претседателот се закани дека Бразил ќе ја напушти СЗО

Претседателот Пендаровски, упати поздрави до финскиот претседател Саули Нинисто, со искрени желби за негово добро здравје, истовремено поканувајќи го во посета на Република Северна Македонија.

Новоименуваниот фински амбасадор Лахдевирта, изрази уверување дека ќе ја продолжи работата на неговите претходници за понатамошно продлабочување и проширување на соработката помеѓу нашите две земји.

– Ја посетив Вашата земја во средината на деведесеттите во период кога еден фински генерал беше командант на мировната операција на ОН овде. Импресиониран сум колку многу успеа да постигне Вашата земја оттогаш, на домашен и меѓународен план, истакна Лахдевирта.

Тој изрази уверување, дека Финска како претседавач со Советот на ЕУ, ќе направи се што е во нивна моќ да постигнеме конкретни резултати за време на нашето претседателство.

Прочитајте и...  Реакции на Мета, Рама и Баша по постигнатиот договор за изборната реформа

– Финска силно верува дека кредибилна политика на проширување е инвестиција во мирот, стабилноста, безбедноста и просперитетот на Европа. Во согласност со препораките на Комисијата, Финска го поддржува отпочнувањето на преговорите за членство со Република Северна Македонија. Се надевам и верувам дека Советот на министри на ЕУ ќе донесе позитивна одлука за ова не подоцна од октомври, истакна Лахдевирта.

Прочитај повеќе

Болсонаро по стапките на Трамп: Претседателот се закани дека Бразил ќе ја напушти СЗО

Слободен печат

Одржана втората комеморација во Редфорд, родниот крај на Џорџ Флојд

Слободен печат

Неофашистите предизвикаа нереди во Рим, фрлаа шишиња и петарди по новинарски екипи (ВИДЕО)

Слободен печат

Антонов: Потполна глупост е дека Москва им помага на провокаторите на протестите во САД

Слободен печат

Судири меѓу полицијата и демонстрантите во близина на Даунинг стрит: Полицаец падна од коњот (ВИДЕО)

Слободен печат

Ангеловска: Стапката на невработеност во првото тримесечје од 2020 изнесува 16,2 отсто и е историски најниска

Слободен печат

Остави Коментар

Прочитај повеќе

Истражување: Повеќе од 70 отсто заразени не го пренесувале коронавирусот, тој се ширел на собири во затворен простор

Слободен печат

Партијата на Меркел се противи на одлуката на Трамп за повлекување на 9.500 војници

Слободен печат

Пазарните инспектори поднеле девет пријави за непочитување на протоколите за работа на угостителските објекти

Слободен печат

Ново жариште на коронавирусот во Иран: Бројот на заразени зголемен заради една свадба

Слободен печат

Бројот на заразени од коронавирус во светот расте пребрзо: Дневно по 100.000 нови случаи

Слободен печат

Помпео: Кина на одвратен начин ја злоупотребува смртта на Џорџ Флојд

Слободен печат