Пендаровски до патријархот Вартоломеј: Употребете го вашето апелационо право за нашите православни христијани да бидат еднакви со другите во светот

Историјата вели дека треба постојано да се сообразуваме со времето и да го користиме во полза благосостојбата на луѓето. Вселенската патријаршија е пример за тоа како може да се остане доследен на вредностите, а истовремено да се биде динамичен во соочувањето со тековните предизвици, истакна претседателот Стево Пендаровски во писмото кое го упати до Архиепископ Цариградски – Нов Рим и Вселенски Патријарх, Вартоломеј, по повод почетокот на Новата црковна година.

– Ми претставува особена чест да Ви се обратам и да ги изразам своите срдечни желби по повод почетокот на Новата црковна година. Историјата вели дека треба постојано да се сообразуваме со времето и да го користиме во полза на благосостојбата на луѓето. Вселенската патријаршија е пример за тоа како може да се остане доследен на вредностите, а истовремено да се биде динамичен во соочувањето со тековните предизвици, вели Пендаровски.

Како претседател во честитката до Вартоломеј го информирал дека како држава, во изминатите три години „решивме да го искористиме времето во наша полза и да ги оставиме зад нас историските несогласувања”.

– Ви се обраќам во името на голем дел од моите сограѓани кои се идентификуваат како православни христијани и чија единствена желба и потреба е да се смират со своите ближни и да се упатат кон заедничката иднина, кон соживотот и кон вистинската слобода. Во оваа насока би сакал да упатам барање до Вашата Сесветост да го уважи повикот на нашиот благочестив народ и на нашата Црква да го употребите своето апелационо право, со што нашите граѓани од православна христијанска вероисповед, конечно, ќе ја добијат можноста да бидат еднакви со сите останати православни христијани во светот, напиша шефот на државата.

Прочитајте и...  Рамадани: Изјавата на Каракачанов е сериозна, но и апсурдна

Поврзани вести

ФОТО: Претставниците на „Полио плус” се пожалија кај Пендаровски за финансиската поддршка од државата

Едвард Сноуден доби дозвола за постојан престој во Русија

Слободен печат

Прилепската болница доби санитетско возило од Германската амбасада

Слободен печат

Велес ќе гради социјална зграда за ранливите семејства од градот

Слободен печат

Втор ден по ред без починат од Ковид-19 на Косово: Во последните 24 часа се пријавени 159 позитивни случаи

Слободен печат

Ќе се воспостави Центар за згрижување на повредени и запленети диви животни

Слободен печат

Остави Коментар