Пендаровски: Антонијо Милошоски шири лажни вести
Ана Чупеска нема никаква релација со овој кабинет во врска со советување или било какво помагање, ниту е инволвирана во некој проект, рече претседателот Стево Пендаровски во одговор на новинарско прашање на денешната прес коференција.
– Должност ми е да се произнесам во врска со искажаните ставови. За мене Салвини не е фашист, туку демократски избран министер во демократска република Италија која е наш голем пријател во нашите евроатлански аспирации – рече Пендаровски.
Тој додаде дека пратеникот Антонијо Милошоски на социјалните мрежи шири лажни вести, кога вели дека Чупеска е советник на претседателот на државата.
Милошоски пренесе став на Чупеска, која е професорката од Правниот факултет дека случајот „Рекет“ „е специјална војна која ја водат клепто-фашистите Матео Салвини и Берлускони од Италија“.