Пекабеско оствари раст на приходите во првите шест месеци
Пекабеско АД за периодот јануари-јуни 2019 оствари позитивни консолидирани финансиски резултати искажани во неревидираниот единечен Биланс на успех во износ од 57,3 милиони денари и е понизок за 8,3% од 2018 година.
Во 2019 година нема промени во сметководствените политики и методи на вреднување на позициите во финансиските извештаи на Пекабеско АД.
Остварените вкупни консолидирани приходи од работењето во периодот јануари-јуни 2019 година и изнесуваат 2.296,8 милиони денари и во споредба со остварените во истиот период во 2018 година бележат пораст од 4,1%. Во структурата на вкупните приходи најголемо учество од 98,8%, имаат приходите остварени со продажба на готови производи, стоки и услуги кои во споредба со остварените во 2018 година бележат пораст од 4,2%.
Остварените вкупни консолидирани расходи во периодот јануари-јуни 2019 година изнесуваат 2.261,2 милиони денари и во споредба со остварените во истиот период во 2018 година бележат пораст од 6,0%.
Вкупните консолидирани инвестиции во основни средства во периодот јануари-јуни 2019 година изнесуваат 27 милиони денари и кумулативно за 7 години од кога е активиран новиот производствен-дистрибутивен погон инвестициите во основни средства достигнаа 499 милиони денари.
Долгорочната задолженост на 30.06.2019 година изнесува 410,3 милиони денари и во споредба со состојбата од минатата година бележат намалување од 2,4%.
Краткорочната задолженост на 30.06.2019 година изнесува 155,7 милиони денари и во споредба со состојбата од минатата година бележат намалување од 30,9%.
Компанијата Пекабеско АД за периодот јануари-јуни 2019 реализираше 19 нови вработувања.