Поп-пејачот Фарел Вилијамс синоќа потврди дека неговиот братучед, Донован Линч (25) е еден од убиените две лица во одделните престрелки во Вирџинија Бич, Вирџинија, САД.

Афроамерикански пејач при давањето на потврдата повика на транспарентност, чесност и правда.

„Загубата на овие животи е трагедија што не може да се мери. Мојот братучед Доновон беше убиен за време на пукањето. Сега е важно моето семејство и семејствата на другите жртви да ја добијат заслужената транспарентност, чесност и правда. Вирџинија Бич е олицетворение на надеж и издржливост и, како заедница ќе го минеме и ова и ќе излеземе уште посилни“, напиша Фарел Вилијамс споделувајќи фотографија од Линч.

The loss of these lives is a tragedy beyond measure. My cousin Donovon was killed during the shootings. It is critical my family and the other victims’ families get the transparency they deserve. VA Beach is the epitome of hope and we will get through this. pic.twitter.com/npGxhbRwLk

— Pharrell Williams (@Pharrell) March 29, 2021

Наводно, на полицаецот кој пукал во Линч, во тој миг не му била вклучена камерата на телото, а службеното лице било повикано да одговори на повиците околу пукањата во областа.

Независна и брза истрага за целосниот случај вети Обвинителството одговорно за градот Вирџинија Бич.