Педофил преку социјални мрежи му се заканувал на 15-годишно девојче дека ќе го силува
Денес на Фејсбук страницата Стоп педофилија беа објавени фотографии од вознемирувачка комуникација меѓу средовечен човек и 15-годишно девојче. Поточно кажано, тој во повеќе наврати ѝ пишувал пораки со недолична содржина, но не добил одговор од нејзина страна. Секако, ова дополнително го исфрустрирало и почнал да ѝ се заканува дека принудно ќе ја наведе на сексуален акт.
– Срце многу си била тврдоглава, немој така, опушти се со мене, ќе играме, ќе стенкаш, важи срце, се само дел од вулгарностите коишто педофилот му ги напишал на девојчето.
– Да го направиме славен човекот кој пишува вакви погани работи на 15-годишни девојчиња и се заканува дека ќе ги киднапира и ќе ги силува. Доколку некој од вас го има во пријатели избришете го заради ваша безбедност и безбедност на вашите деца, се вели во објавата на Стоп педофилија.
Секторот за компјутерски криминал при МВР веќе работи на тоа да се пронајде лицето кое стои зад профилот.