Пченкарно брашно, златни зрнца нега за целиот организам

Пченкарно брашно
Valery Vvoennyy / Panthermedia / Profimedia

Одамна е познато дека пченкарното брашно е здраво за човечкиот организам, но некако како да ја пропуштаме информацијата дека освен што е дел од исхраната, ова брашно е благодет и за други нешта – пишуваат од „Гласјавности“

Пченкарното брашно содржи низа основни хранливи материи. Користејќи го во исхраната, зголемуваме внес на витамини и минерали во организмот. Тоа е извор на ниацин, тиамин, рибофлавин, фолат и витамините Б6, Е и К. Содржи влакна, аминокиселини и есенцијални минерали како цинк, железо, магнезиум, фосфор, калиум, бакар, манган и селен.

Пченкарното брашно како лек:

  • Симнува висок крвен притисок
  • Симнува холестерол
  • Помага при тврда столица и хемороиди
  • Спречува настанок на рак на дебелото црево
  • Има антиоксидантски ефект и спречува многу кардиоваскуларни болести
  • Го зајакнува имуниот систем
  • Поттикнува слабеење
  • Добро е за нега на кожата

Пченкарното брашно за слабеење

Кога јадете пченкарно брашно во било кој облик, тоа ви создава ситост. Шолја од ова брашно содржи 8, 5г влакна што е речиси 30% од дневниот внес на влакна за жени и 22% за мажи. Освен што има бројни здравствени предности, поттикнува и слабеење затоа што го регулира дигестивниот систем.

Пченкарното брашно за најмалите

Кога почнувате со воведување храна за своето бебе, една од најдобрите намирници е токму ова брашно. Освен што е храна што заситува и полна со витамини и минерали, не содржи глутен и е супер опција за прв оброк. Палента, качамак… Се само некои од опциите за оброк за вашето бебе и дете.

Фото: Профимедиа

Пченкарно брашно за нега на лице

Ако сакате ексфолијација или нежен пилинг на вашето лице, природна нега е вистинскиот избор. Пробајте со микс од пченкарно брашно, малку вода и капка маслиново да го измасирате лицето и да се ослободите од вишокот митесери. Исто така одлична маска за пилинг е комбинацијата од пченкарно брашно, јогурт и мед. Пробајте и ќе се уверите дека овие едноставни, а на дофат рецепти прават чуда за вашето лице.