Неопходен е целосен пристап во справувањето со последиците од пандемијата предизвикана од корона вирусот апелираа глобалните лидери на Самитот на Меѓународната организација на трудот ИЛО.

Директорот на организацијата, Гај Рајдер изјави дека пандемијата го турнала глобалниот пазар на труд во невидена криза.

Минатонеделните предвидувањата на ИЛО за глобалниот пазар на трудот за втората половина од 2020 година се „многу несигурни”.

На Самитот преку видео-порака се обрати и генералнит секретар на Обединети нации, Антонио Гутереш.

– Треба да биде јасно дека не се работи за избор помеѓу здравјето или работата и економијата. Се е испреплетено: или ќе победиме на сите фронтови или ќе загубиме на сите фронтови, истакна Гутереш.

Директорот на Светска здравствена организација Тедрос Адханом Гебреисус наведе дека светот има посебна должност да ги заштити милионите здравствени работници.

– Заедно имаме должност да ги заштитиме оние кои не штитат нас, посочи Гебреисус.