Пављученкова е првата финалистка на Ролан Гарос
Денеска во првото полуфинале во женска конкуренција на грен слем турнирот во Париз Анастасија Пављученкова со резултат 2:0 ја елиминираше Тамара Зиданшек од Словенија.
Русинката, 31 носителка на турнирот, го освои првиот сет со 7:5, а вториот со 6:3 за нејзино прво грен слем финале во кариерата.
Пављученкова во првиот дел од играта сервираше за сет при водство од 5:4, но до предност стигна по потешкиот пат, во 12 гем. Во вториот сет брзо поведе со 4:1, словенечката натпреварувачка за момент ја врати неизвесноста и се доближи на 5:3, но во следниот гем руската тенисерка дојде до победата.
– Уморна сум, но и многу среќна. Не ми беше лесно, се обидував да тренирам што повеќе, да работам на тактичкиот дел. Сега е важно да останам фокусирана за саботното финале – рече Пављученкова.
Во второто полуфинале на Ролан Гарос силите ќе ги одмерат Барбора Крејчикова (Чешка) и Марија Сакари (Грција).