Пауновски: Сите трговци ќе добијат бесплатни налепници на терет на Државниот пазарен инспекторат
Директорот на Државниот пазарен инспекторат Стојко Пауновски се обрати на прес-конференција за новата телефонска линија 191 која ќе почне со работа од понеделник, како и за налепниците кои ќе мора да ги имаат сите трговци.
– Сите објекти кои вршат трговија беа должни да истакнат број на Пазарниот инспекторат од градот каде се наоѓаат, се соочувавме со јавувања на кои не можевме да одговориме, бидејќи инспекторите се на терен и нема кој да одговори на повиците. Владата ни излезе во пресрет и од понеделник ќе може да се јават на 191 сите граѓани и да пријават констатирани неправилности.
Она што можам да го кажам на сите трговци, налепниците се бесплатни на терет на Државниот пазарен инспекторат. Вакви броеви ќе добијат сите бензиски станици и оние кои вршат трговија. Оние кои не работат, истите овие броеви кои се должи да ги истакнат на видно место ќе може да ги подигнат од одделенијата низ цела држава – рече Пауновски.