Патријархот Иринеј: Осум години слушам дека Вучиќ се подготвува за предавство на Косово
Патријархот на Српската православна црква (СПЦ), Иринеј изјави дека осум години слуша дека претседателот Александар Вучиќ „се подготува за предавство на Косово“ и запраша дали има логика „за осуда на човекот за нешто што не го сторил, само затоа што некои мислат дека ќе го стори“.
– Вучиќ се фати во костец со многу проблеми на Косово. Се покажа како одговорен државник по многу национални прашања. Суд за неговата работа дадоа граѓаните на изборите, изјави Иринеј за „Вечерње новости“.
Тој оцени дека албанските политичари, поради отворената поддршка на моќни западни држави, „немаат волја ниту да разговараат, а камоли да преговараат“ со српската страна.
– Секогаш говорев дека прв услов за решавање на проблемите на Косово треба да биде безбедно враќање на 250.000 Срби, протерани од 1999 година до 2004 година. Меѓународната заедница најпрво треба да помогне по тоа прашање, па потоа да организира разговори на други теми“, нагласи Патријархот на СПЦ.