Пашинјан: Нема воено решение за конфликтот во Нагорно Карабах

Фото: EPA-EFE/ALEXEI DRUZHININ

Премиерот на Ерменија, Никол Пашинјан изјави дека нема воено решение за конфликтот во Нагорно Карабах.

– Азербејџан треба да признае дека конфликтот во Нагорно Карабах нема воено решение. Долго време, азербејџанската влада спроведуваше анти-ерменска пропаганда и долго време се закануваше дека, спротивно на сите меѓународни повици, планира да го реши проблемот со Нагорно-Карабах насилно, нагласи Пашинјан.

Тој додаде дека се надева дека сега, кога, како што рече, не успеа да ги спроведе плановите на неговото воено раководство, Азербејџан ќе сфати дека конфликтот во Нагорно Карабах нема воено решение.

Пашијан за телевизијата Русија 1 изјави дека спорот околу територијата, која прогласи независност од Азербејџан во 90-те години на минатиот век и во која Ерменците се мнозински народ, треба да се бара преку преговори под покровителство на копретседавачите на групата Минск на ОБСЕ.

Сепак, тој додаде дека ваквите преговори бараат „соодветна атмосфера.

– Што се однесува до нас, преговорите треба да продолжат од точката од каде што започнаа. Тоа е форматот на копретседавачите на Минската група, изјави Пашинјан, но додаде дека е тешко да се зборува за преговори во време кога воените операции се во тек. 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот