Пашинјан до Гутереш: Турција има пристрасна позиција во акциите на Азербејџан

epa08702643 A handout photo made available by the Armenian Government Press Office shows Armenian Prime Minister Nikol Pashinyan (C) meeting with the military leaders in Yerevan, Armenia, 27 September 2020. According to media reports, Armenia has imposed martial law and total military mobilisation after clashes have erupted in the territorial conflict between Armenia and Azerbaijan in Nagorno-Karabakh Republic, with both sides reporting civilian deaths after shelling, artillery and air attacks along the front. EPA-EFE/ARMENIAN GOVERNMENT PRESS OFFICE / HANDOUT ATTENTION EDITORS: WATERMARK IN PICTURE APPLIED BY SOURCE HANDOUT EDITORIAL USE ONLY/NO SALES

Ерменскиот премиер Никол Пашинјан телефонски разговараше со генералниот секретар на ООН Антонио Гутереш за состојбата во спорниот регион Нагорно Карабах, соопшти синоќа прес-службата на ерменската Влада.

„Никол Пашинјан подвлече дека сегашната ескалација, за разлика од изминатите години, се карактеризира со многу активна и пристрасна позиција на Турција и нејзино директно дестабилизирачко присуство во акциите на Азербејџан”, се вели во соопштението.

Како што пренесува агенцијата ТАСС, Гутереш изразил длабока загриженост за актуелната криза и случувањата, посочувајќи на потребата од продолжување на мировниот процес во рамките на  групата на ОБСЕ од Минск.

Шефот на ОН разговараше и со азербејџанскиот претседател Илхам Алиев, повикувајќи на итен прекин на огнот во Нагорно Карабах.

Претходно, ерменското Министерство за надворешни работи тврдеше дека „турски инструктори војуваат” во Нагорно Карабах од азербејџанска страна. Покрај тоа, соопштено е дека има докази дека Анкара регрутира платеници „во некои земји од Блискиот исток”.

Портпаролот на генералниот секретар на ООН, Стефан Дижарик изјави дека организацијата не може самостојно да ја потврди вистинитоста на ова тврдење дека Турција се меша во конфликтот околу Нагорно Карабах и повика да одобри пристап до набљудувачката мисија на ОБСЕ во зоната на конфликтот.

Баку на 27 септември соопшти дека Ерменија ги гранатирала позициите на азербејџанската армија, а Ереван тврди дека азербејџанските вооружени сили започнале офанзива кон Нагорно Карабах, гранатирајќи ги регионалните населби, вклучително и главниот град Степанакерт. Двете страни пријавија жртви, вклучително и цивили. И Ерменија и Азербејџан прогласија вонредна состојба и мобилизираа трупи. 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот