Партнерот ви е одличен, но не и во кревет? Што да направите?

Доколку сте во врска со некој што го сакате и сe ви е одлично, само во сексот не ви оди и сте спремни на сe, само за да ја сочувате врската, еве што вели психологијата за тоа. Но, пред да се намуртите, мудро да одмавнете со главате и помислите “кога има љубов и сексот е одличен”, веднаш да ви ја разбиеме таа илузија со суровата вистина дека: тоа не е случај кај сите!

Жените кои имаат повеќе пријатели меѓу мажите, отколку меѓу жените, уживаат во подобар секс, бидејќи нивните партнери се плашат од конкуренција. Ова го покажале резултатите од студијата објавена во списанието “Компаративна психологија”. Истражувањето покажало дека партнерите на девојките кои се опкружени со машко друштво – повеќе се трудат и околу сексот, а и околу романтиките.

Освен тоа, верувале или не, потсвесниот страв дека партнерката би можела да ги изневери, во нивните очи таа станува попривлечна.

Што покажуваат истражувањата?

“Резултатите од истражувањата, покажаа дека кога постои стравот од изневерување, на несвесно ниво, машките почнуваат повеќе да се трудат околу партнерката. Во прашање е едноставо, текот на еволуцијата, која на ниво на потсвест, ја зголемува желбата за ‘ширење на DNK материјал’, односно – секс. Потребно ни е нешто што одвреме-навреме ќе нe потсети колку ни е драгоцена личноста со која сме во врска, а човечката природа вели: фактот дека таа личност им е привлечна и на другите е токму она што ќе не освести”, вели д-р Михаел Фам, кој го спровел истражувањето.

Во студијата учествувале 400 мажи кои се во постојана врска, а од нив се очекувало да ја оценат привлечноста на своите партнерки, да проценат колку пријатели има таа од машкиот пол, дали тие пријатели ја сметаат нивната пријателка за атрактивна, како и да го оценат квалитетот на сексот во врската. Се покажало дека зачестеноста и квалитетот на сексуалните односи расте заедно со бројот на мажите со кои нивната партнерка се дружи. Односно, колку повеќе пријатели има од машкиот пол, толку е почест сексот со нејзиниот партнер.

Затоа, иако може да ви делува како одвратна манипулација, доколку не сте задоволни од сексот, а сте се обиделе со се што ви паднало на памет за да ја подобрите ситуацијата, можеби е време да заиграте на картатата – (дозирана) љубомора.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот