Второто евролигашко дерби помеѓу Црвена Звезда и Партизан заврши со победа на Партизан во драматична завршница со 79:78.

Натпреварот во Белград донесе изедначена игра и вистинска драма, победникот се решаваше во самиот финиш во преполната сала „Александар Николиќ“. Партизан во еден момент од натпреварот водеше и со седум поени (54:61), но Звезда предводена од расположените Вилдоза и Недовиќ се враќаше во натпреварот.

Во клучните моменти Звезда правеше прекршоци, па Партизан постигнуваше лесни поени од линијата за слободни фрлања. На семафорот стоееш 71:74, па домаќинот одговори со двојка на Вилдоза на 31 секунда до крајот.  Партизан очекувано нападот го играшесамиот крај и доби нови слободни фрлања, Звезда конечниот резултат го постави со тројката на Недовиќ со звукот на сирената.