Партизан прокоцка два гола предност во финишот и остана без европска пролет
Екипата на Партизан остана без победа на гостувањето кај АЗ Алкмар во петтото коло во Лигата на Европа играјќи 2:2 со што ги загуби шансите за освојување на второто место. За болката на навивачите на „црно-белите“ да биде поголема, нивните миленици со головите на Асано и Сума во првото полувреме имаа предност од 0:2 се 88. минута. Тогаш на сцена стапи Друиф кој со два гола, во 88. и 92 минута му донесе бод на АЗ Алкмар.
Во Истанбул, екипата на Рома со убедливата победа од 0:3 над Башакшехир го помина турскиот тим на табелата и во последното коло пред своите гледачи ќе бара победа која ќе ги однесе во нокаут фазата. Верето, Клајверт и Џеко беа стрелци на головите за „римската волчица“.
Резултати:
АЗ Алкмар – Партизан 2:2
Бешикташ – Слован 2:1
Брага – Вулверхемптон 3:3
ЦСКА Москва – Лудогорец 1:1
Ференцварош – Еспањол 2:2
Феенорд – Ренџерс 2:2
Олександрија – Волфсбург 0:1
Сент Етјен – Гент 0:0
ВАЦ – Борусија М. 0:1
Јанг Бојс – Порто 1:2