Партиско хакирање на убавите идеи

Немам никаква намера да изразам негативно мислење за масовните протести што во петокот се одржаа во Скопје, кога илјадници жители на главниот град се собраа на маршот барајќи почист воздух за дишење.

И барањето, но и начинот на протестирање се легитимни, па затоа воопшто немам намера до го коментирам протестот, освен да додадам дека организаторите ја имаат мојата поддршка. Тоа што би сакал да го дискутирам е за едни други протести, кои не така одамна ги освоија моите симпатии. Се разбира дека мислам на „Шарената револуција“, која како и денешната „Зелена“, амбициозно се зафати со менување на штетните појави во нашето општество.

Нулта точка на „шарените“, иако тоа можеби во тој момент и не било де факто така, беа протестите на студентите по архитектура, кои протестираа против градењето црква на плоштад, сметајќи дека тоа архитектонски би го нагрдило јавниот простор. Но, тогаш Никола Груевски беше на своите најсилни позиции, па протестот го реши со тепачка помеѓу верниците и студентите, за да по кратко и самиот се откаже од идејата за градењето на црквата на плоштад, но не и од гротескниот „Скопје 2014“.

Прочитајте и...  ИНТЕРВЈУ Зоран Заев: Ќе има за сите, а за пензионерите плус 4.500 денари месечно!

Потоа долго време немаше никакви сериозни протести, сè до она собирање на „рекорд“ каде што Бранко Црвенковски со малобројното друштво пееше „Бела чао“. Но и тоа заврши, Бранко беше заменет со Заев во СДСМ, кој го радикализираше своето опозиционерство со обелоденувањето на незаконски снимените разговори, кои народски ги нарекуваме „бомби“. Речиси во исто време се официјализираше и граѓанската платформа од која произлезе „Шарената револуција“, која на секојдневни протести успеваше да донесе илјадници незадоволни неистомисленици.

По кратко време пукна „бомба“ за убиството на младиот активист на ВМРО-ДПМНЕ Мартин Нешковски, односно обидот врхушката да ја забошоти истрагата, по што се случија и првите насилни протести кога гневните протестанти се обидоа насилно да влезат во Владата, предизвикувајќи отворен судир со полицијата. Не сум сигурен дали тоа беше моментот кога СДСМ ги презеде конците од „шарените“ или тоа се случи подоцна, но токму тогаш владеењето на Никола Груевски почна да тоне. Но тоа не одеше бргу.

Прочитајте и...  Браво за злосторничкото ВМРО, едвај тројка за СДСМ

Бесот на граѓаните се мултиплицираше кога на виделина излегоа причините за смртта и на малата Тамара. Таа со години чекаше да замине на лекување во странство, но нејзиниот случај остана заглавен во лавиринтите на коруптивната бирократија. Тамара стана вториот симбол на протестите заедно со Мартин, а како мантра се повторуваше дека парите потрошени за мерцедесот на Грујо, можеле да ја спасат не само Тамара туку уште стотици други болни ангели што чекаат на лекување.

Режимот падна по оние драматични случувања во Собранието, а народот конечно доби надеж дека правдата ќе биде спроведена во оваа наша земја. Се разбира дека ништо од тоа не се случи. Убиецот на Мартин Нешковски, Игор Спасов, разбравме дека бил пуштен од затвор за да се лекува, по што се губи неговиот траг. Ниту Тамара не доби правда, па нејзиниот дедо самиот се обиде да му пресуди на поранешниот министер за здравство Никола Тодоров. А тоа на „М“ скапува во некоја гаража на МВР, како парадигма на пропаднатите надежи за градење на праведно општество.

Прочитајте и...  Ковид-19 зема замав, рекорден број новозаболени и оздравени во државава

Ова го пишувам како предупредување. Протестите за чист воздух се одлични. Единствената работа што ме плаши е тоа што се масовни, па само прашање на време е кога некоја политичка партија ќе се обиде да ги хакира.

Прочитај повеќе

Дотерани до никаде

Жанета Скерлев

Браво за злосторничкото ВМРО, едвај тројка за СДСМ

Мирослав Грчев

Иван на кого му беше трансплантирано срце заминува на домашно лекување (ФОТО)

Слободен печат

МОФ: Голем дел од професорите воопшто не се ни запознаени како да работат со дигиталните платформи за предавање

Слободен печат

Америка во канџите на короната – трет ден рекорден број на новозаболени лица (ФОТО)

Слободен печат

Филипче: Ќе отпочнат подготовки за ослободување на дел од капацитетите во ГОБ „8 Септември“

Слободен печат

Остави Коментар

Прочитај повеќе

ИНТЕРВЈУ Зоран Заев: Ќе има за сите, а за пензионерите плус 4.500 денари месечно!

Љубиша Николовски

Стотици жени излегоа на протести во Париз, не го сакаат новиот министер Дарманин, кој е под истрага за силување (ФОТО)

Слободен печат

Повредени новинари за време на протестите во Белград

Слободен печат

Партиите го кажаа своето, сега ќе зборуваат гласачите

Соња Христовска Угриновска

Ковид-19 зема замав, рекорден број новозаболени и оздравени во државава

Слободен печат

Шокантна снимка од ковид амбулантата во Крагуевац: Вака изгледаат медицинските работници по шестчасовна смена, чизмите им се полни со вода (ВИДЕО)

Слободен печат