Парламентот на Република Српска ги поддржа барањата за промени во Уставниот суд

Милорад Додик / Фото: Профимедиа

Парламентот на Република Српска синоќа го поддржа планот на лидерите на тој ентитет за блокирање на работата на властите во БиХ се додека не се донесе новиот закон за Уставниот суд. Претставниците на владејачкото мнозинство и опозициските партии со српски знак гласаа на седница во Бања Лука.

Заклучоците предвидуваат дека во рок од два месеца треба да се направи обид да се смени Уставниот суд на БиХ, односно да се отстранат странските судии од неговиот состав. За тоа време српските претставници во телата на власта во БиХ нема да учествуваат во донесување какви било одлуки.

Таквата мерка претходно ја предложија членот на претседателството на БиХ, Милорад Додик и претседателот на РС, Жељка Цвијановиќ, како одговор на пресудата на Уставниот суд на БиХ, со која се заклучи дека земјоделско земјиште што има статус на јавно добро не може да биде во сопственост на ентитетот, туку исклучиво на државата.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот