Паркот во Ајдучко маало доби нов лик во рамки на иницијативата „Поубоо“
Граѓанска иницијатива „Поубоо “(Поубаво) во Тетово денеска со втора акција за создавање похуман и поубав јавен простор односно за чистење, уредување и разубавување на паркот во Ајдучко маало.
Од 8 до 17 часот траеше доброволната акција во која учествуваа граѓаните како и вработените од комуналното претријатие кои го собраа и транспортираа насобраниот смет. Покрај собирање и чистење на смет, извршено е и фарбање во паркот. Воедно поставени се нови садници, нацртани нови детски игри и слично.
-Борбата за „Пубоо” маало продолжува. Се отвара нов фронт: паркчето во Ајдучко маало. Да докажеме дека можеме да го разубавиме секој простор со малку труд и дека од нас зависи кај ќе живееме, истакнаа од иницијативата.
Околу 15-тина луѓе се јавија на повикот за учество во акцијата преку социјалните мрежи. Минатиот месец беше интервенирано во паркот во Саат маало.