Деновиве се очекува да легнат 700 милиони евра на контото на НБРМ. Со каква динамика ќе бидат исплаќани и може ли буџетот да го издржи товарот на субвенционирање на платите и другите социјални давачки.

Гостин во „Утрински брифинг“ на „Слободна ТВ“ беше Павле Гацов, советник на министерката за финансии Нина Ангеловска, кој ја потврди информацијата дека работата е завршена и оваа „масивна сума“ се очекува да биде префрлена на сметката на државава.

НАПЛАТА НА ДДВ

На почетокот од кризата во првата изјава беше кажана една поголема стапка на пад на ДДВ, но беше дообјаснето дека се работи за голем износ на поврат што се наплатува и потоа се враќа каде што некој имал повеќе платено. Со ова бројките испадна дека не се толку драматични. Сепак бројките не се сјајни. Тие паѓаат. ДДВ 4 месец има послаба наплата. Интересен ќе биде месец мај и јуни за да видиме дали трендот ќе се исправи или ќе продлжи падот. Мое мислење е дека ќе се вратиме на некои пониски наплати но не со таков стрмен пад. Кај исплатата на придонесите рамна е линијата и падот е многу минимален.

СУБВЕНЦИОНИРАЊЕ НА ФИРМИТЕ И КОМПАНИИТЕ

Добивате толку субвенции колку што имате вработени – една добра мерка се направи што се даде шанса ретроактивно да се поврати дел од вработените, така што оние кои ги користат мерките за субвенционирање на придонесите не можат да ги отпуштаат работниците до месец јули. Вака државата успеа да го заштити работното место на работниците.

МАНИПУЛАЦИИ ОКОЛУ СУБВЕНЦИОНИРАЊЕТО

-Парите не легнуваат ниту кај газдите, ниту кај вработените, туку легнуваат на сметките на фирмите. Линкот е во делот каде што државата вели внимавајте парите ви ги даваме субвенциите но вработените мора да останат на работа.

КОВИД-19 И ЕКОНОМИЈАТА

Многу важно е сега да се внимава на заштитата од болеста, бидејќи ништо не сме направиле и падот ќе биде драстично посериозен од ова што го имавме до сега.

Враќањето на економијата во периодот што следи ќе биде многу тешка задача. Да немам илузии – ние сега трошиме ама авансно за иднината позајмуваме затоа што очекуваме да го препродиме ова и засилиме економскиот раст. Со која динамика и колку пак зависи од растот и дали ќе се повратат економиите. Товарот за враќањето секако ќе падне на грбот на граѓаните и компаниите. Мерките кои ги носи владата се слични или исти како и во целиот свет. Нормално е дека овие мерки би биле во иднина предмет на ревизија. Можен е и нов ребаланс во иднина, па и ново задолжување, изјави Гацов.