По првичниот пад на бројот на инфицирани лица од почетокот на пандемијата во вториот квартал од годината, финансиската состојба на Германците се искачи на рекордна сума од околу 6.630 милијарди евра. Според „Бундесбанк“, финансиските средства на приватните домаќинства во форма на готовина, на хартии од вредност, на банкарски депозити и осигурувања се зголемија за 253 милијарди евра или четири проценти во споредба со првиот квартал.

Зголемувањето е последица и по одземањето на долговите: домаќинствата имаат 236 милијарди евра повеќе отколку во првиот квартал или 4722 милијарди евра. Главната причина за ова е закрепнувањето на берзите по падот на почетокот на кризата.

– Загубите од падот на акциите предизвикани од пандемијата и неизвесноста за нејзините економски последици беа во голема мера компензирани”, објасни „Бундесбанк“.

Германците и понатаму се потпираат на готовина и на депозити, кои иако не се профитабилни поради ниските каматни стапки, се лесно достапни. Нивниот обем на крајот на вториот квартал изнесуваше околу 2.694 милијарди евра, што е за околу 72 милијарди евра повеќе отколку во првиот квартал. Парите на тековните сметки и во готовина изнесуваат 1.882 милијарди евра. Купувањето на акции и други учества се, исто така, важен фактор и изнесуваат 16 милијарди евра.