Папуа Нова Гвинеја: Се урна мал авион преполн со кокаин (ВИДЕО)

Мал авион преполн со дрога се урна веднаш по полетувањето од Папуа Нова Гвинеја, јавува Би-Би-Си.

Авионот, што бил преоптоварен со кокаин, требало да ја испорача дрогата на австралискиот пазар. Австралиската полиција тврди дека алчноста на шверцерската организација што го преполнила авионот е делумно виновна за неговиот пад.

Несреќната Цесна носела повеќе од 500 килограми кокаин во вредност од 57 милиони долари. Авионот се урнал овој понеделник, а петмина мажи, наводно, членови на криминална организација со седиште во Мелбурн, биле уапсени.

Австралиската полиција соопшти дека оваа организација е под нивна контрола веќе две години.

Авионот во неделата пристигна од Мареб во Северен Квинсленд и полета за да ги избегне радарите. Тој слетал на оддалечен аеродром во Папа Лео. Таму е натоварен со кокаин со кој требало да се врати во Австралија.

Остатоците од авионот биле пронајдени недалеку од аеродромот. Дрогата, или 28 торби, подоцна се пронајдени во заедничка операција на австралиската и полицијата на Папуа Нова Гвинеја.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот