Папата почесто да доаѓа, можеби Скопје ќе заличи на метропола (ГАЛЕРИЈА)
Веќе со денови низ центарот на градот на големо се спроведуваат активности за посетата на Папата Франциск, се работи на поставување бина, се сечат дрва, се покриваат згради итн.
Граѓаните се шегуваат по социјалните мрежи дека само со посета на некоја ваква светска личност како папата Франциск, јавните служби решаваат да преземат нешто за да го средат градот.
„Дајте организација, некој друг да доаѓа после Папата. Скопје има да го средат како што треба“, „А што не го спуштат со хеликоптер на плоштад како што го носеа Дедо мраз?“ , „Се моли Папата да остане подолго, за да се пополнат дупките и да се исчисти градот“, се само дел од коментарите по социјалните мрежи.
Папата Франциск ќе биде во Скопје од 8 до 18:30 часот во вторник, 07.05.2019.
Картите за посетата на папата се делат уште денеска, на три локации во центарот на градот, пред Спомен куќата на Мајка Тереза, во ГТЦ и на плоштад Македонија, како и во католичките парохии низ земјата.