Папата ја прифати оставката на парискиот надбискуп, обвинет дека имал интимна врска со жена

Мишел Аупетит
Парискиот надбискуп Мишел Аупетит/ Фото EPA-EFE/JULIEN DE ROSA

Папата Франциск ја прифати оставката на парискиот надбискуп Мишел Аупетит, соопшти во четвртокот Ватикан, додавајќи дека апостолски администратор е назначен за шеф на париската надбискупија, пренесува Ројтерс.

Светиот Отец ја прифати оставката на Мишел Аупетит и го назначи Жорж Понтие како апостолски администратор на париската надбискупија, соопшти Ватикан.

Аупетит (70) поднесе оставка кон крајот на ноември, откако беше обвинет во медиумите дека имал интимна врска со жена, што тој категорично го демантираше.

Тој е париски надбискуп од 2017 година, а е познат по своите строги ставови за семејството и биоетиката.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот