Папата им ги миеше и бакнуваше нозете на затворениците (ФОТО)

Традиционално, на Велики Четврток, папата Франциск им ги миеше нозете на затворениците во еден затвор во близина на Рим.

Со овој ритуал се повторува гестот на Исус за понизност, со тоа што им ги измил нозете на апостолите пред Последната вечера, за да им покаже дека е подготвен да направи понизно дело.

-Мојот гест нека помогне да бидеме поуслужливи еден кон друг, повеќе пријателски и братски настроени, рече поглаварот на Католичката црква во проповедта.

Папата пред секого од 12-те затвореници, од кои деветмина од Италија, еден од Бразил, еден од Мароко и еден од Брегот на слоновата коска, клекна и им ги изми нозете. Со сребрен бокал го поливаше десното стапало на секој од затворениците, го избриша со бела крпа, им ја бакна ногата и потоа се ракуваше со секој од нив.

Откако 82 – годишниот Папа Франциск го заврши ритуалот, во кој само некои затвореници му ја бакнаа раката, се слушна аплауз и имаше размена на подароци.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот